"Dirty" Gunni

Hún hallaði undir  flatt og leit aftur á hann - gat það verið að hann væri orðinn 30 ára!! Þessi aldurskrísa var alveg að fara með hana - að sjálfsögðu var það  allt bara sagt í gamni þega hún aumkvaði sér við mann  og annan yfir aldursgrýlunni, auðvitað vissi hún, eins og allir aðrir, að aldurinn væri afstæður og erfitt að flýja þá staðreynd að maðurinn væri í sífellum vexti og þroska - en 30 ára!!! 

Henni fannst aðeins 5 ár síðan hann bauð henni á skóladansleik í Álftamýrinni, hann gaf  henni rós og hún reif glænýju buxurnar sínar á grindverkinu sem þurfti að klifra yfir á leið í skólann - og mikið var hún fegin að hafa munað að fara í sokkabuxur innanundir þetta kvöld - annars hefði allt sést - og hann lét eins og ekkert væri vandræðalegt og tók bara utan um hana....það var fyrir 15 árum - hálf ævin liðin síðan þá. 

Hún leit aftur á hann, heimilisfaðirinn virtist ekki vera í jafnmiklu dramakasti og húsmóðirin  - hann virtist næstum OF rólegur yfir þessu öllu saman - enda ekki þekktur fyrir að vera að stressa sig að óþörfu...

Krakkarnir komu hlaupandi inn í hjónaherbergið og hoppuðu ofaná "gamla" kallinum, komu færandi hendi og stilltu saman strengina fyrir afmælissöngin. Það færðist ánægjuglott yfir afmælisbarnið og hún vissi að hann fann fyrir ríkidæmi sínu.... 

hann er þrjá-tíu-ára - hann - paaaaaaabbbi .... hann er þrjá - tíu - ára í dag.........

í eitt sekúndubrot sá húsmóðirin hvernig þyrmdi yfir heimilisföðurinn og grár fölvi skreið yfir andlit hans - en aðeins í örstutta stund - hann var að verða of seinn í vinnuna - húsmóðirin rétti honum heimatilbúið afmæliskortið sérhannað af heimasætunni og þau lásu það upphátt saman: 

"ELSKU PABBI OKKAR, INNILEGA TIL HAMINGJU  MEÐ DAGINN - LOKSINS ERTU ORÐINN FULLORÐINN"

svo einfalt var það :) 

 

Athugasemdir

[Kristín (IP-tala skráð) 27.9.2007 kl. 13:51]

Til hamingju með karlinn elskan mín - ég hélt ég væri e-ð að ruglast, að þið væruð löööngu orðin þrítug  Þetta gerist víst með aldrinum, maður verður gleyminn - sorry

Kossar og knús

[María frænka (IP-tala skráð) 2.10.2007 kl. 09:02]

Hæ elskurnar !

Til hamingju með afmælið Gunnar  minn og styttist ekki í þig Tóta ;)

Vona að þið hafið það gott f austan ..